متى تلحق الكويت برفايقها؟
منوعاتمايو 14, 2011, 3:22 م 3820 مشاهدات 0
نشوف / نسمع / ونستنتج حقايقها ** وآخر نتيجه تجي نسكت ونبلعها
الحال ما شفت لي مخلوق طايقها ** أمحق سياسه مع الدنيا مصلّعها
من ضيقة الخلق نحسب في دقايقها ** متى تحقق أمانيها وتطلّعها
الديره قلي متى تلحق رفايقها ؟ ** للعلم شعله متى قلي تولّعها ؟
الخمس راحت طلبتك لا تضايقها ** ما فيه داعي مع السادس تشلّعها
ما بعد سبع المراكب وأنت سايقها ** يا وين ناوي عليها وين تقلعها
حكومتك ما فهمنا وش طرايقها ** الله يلعن جدف من هو يدلّعها
حمد المخيال
ما قل دل-حمد المخيال
تعليقات