ضرار بن خالد: مالي مصد

يارب انا عبدك ليا ضاقت دروب
استغفرك من كل ذنب ارتكبته

انا الضعيف الي ليا اذنب يتوب
اطلبك توبه قبل يومٍ ذكرته

والعمر ماينقص ولو زاد مكتوب
يالله ترحم كل مسلم اخذته

يالله جنبني من اصحاب العيوب
ودرب الردى غض بصري لا لمحته

والي ليا منك زهمته لماجوب
راح يتفاخر يذكر انك زهمته

هذا هو الي لعبته فن الاسلوب
منطوق طيب ولابخصته تركته

والمرجله ماهي شماغٍ ولا ثوب
ولاهي بكثر المال ومجلس فرشته

مجلس ليا جيته تراحيب وشبوب
وياما مجالس ذكرها ماسمعته

اسعى لفعل الطيب ولا عنّه اتوب
لو اني افلس من حلالٍ جمعته

مالي مصد والدرب ماهو بمحجوب
واليا تعرضلي رديٍ نسفته