رجا القحطاني: أغلى ضيف

‫لك من الحسنى جذور‬
‫ولك من الرحمه ثمر‬
‫لك ركاب الشوق عطشى‬
‫في مسافات العصور‬
‫عادة الدنيا تدور‬
‫رفرفرت بشراك والبشرى يدٍ‬
‫صافحتني بالسلامْ‬
‫سيجت روحي مطر‬
‫والشديد الصعب ف اغوار المشاعر‬
‫استفاض انوار وتْساقط حمامْ‬
‫ياارتعاشة روح جغرفها الهوى‬
‫صورةٍ للنبض فيها‬
‫مثل من جس المريض‬
‫وهز راسه:‬
‫محتضر ماله دوى‬
‫في شقا الدنيا‬
‫وفي دنيا الشقا‬
‫وارتحال انسان هذا العصر‬
‫في دنيا شقاه‬
‫مامضى للعمر‬
‫كثر اللي بقا‬
‫في مفاهيم الحياه‬
‫ارتويت اطلالتك‬
‫شلال من رهبه‬
‫ونبعٍ من فرح‬
‫واحتويت الجرح‬
‫من سكين شاتم‬
‫صفح تنتابه ملامح‬
‫من جزالة كف حاتم‬
‫ومن هو اللي ماانجرح‬
‫جيت يااغلى ضيف‬
‫يهمي النور والدنيا تحوّل‬
‫للضيوف اجلالة التقدير‬
‫لكن من سواك الضيف الأول؟‬
‫تنتزع فوضى الهوان‬
‫مْن اندفاعات الجسد‬
‫تزرع الأرواح امان‬
‫وتهدم اسوار الحسد‬
‫لو صفا جو النفوس‬
‫وجاور العفه لسانْ‬
‫وادرك الانسان زيف الأرض‬
‫من يوم ارتمى‬
‫في مهاويها زمانْ‬
‫والتمس درب النجاة‬
‫وساق خوفه للسما‬
‫مرحبا يالضيف الاغلى‬
‫مرحبا شهر رْمضان‬