سالم الخويطر يتخيل يوميات مرشح ديوانية هوامير
زاوية الكتابكتب مايو 10, 2009, منتصف الليل 262 مشاهدات 0
يوميات مرشح ديوانية هوامير
سالم الخويطر
بو عبدالرزاق مرشحنا يزور اليوم ديوانية هوامير.
بوعبدالرزاق: مساكم الله بالخير.
الموجودون وبعدم مبالاة: يا هلا.
بوعبدالرزاق يطالع بالحاضرين ومتوهق.. وشيقول ومن وين يبدأ: يا جماعة مبروكين العرس الديمقراطي.
أحد الموجودين: نعم أخوي.
بوعبدالرزاق: لا، أقصد هالأيام ماكو سالفة إلا سالفة الانتخابات.
أحد الموجودين: ومنو حضرتك؟
بوعبدالرزاق: شلون ها.. أنا .. إيه والله مرشح وزايركم اليوم.
أحد الحضور: مرشح قوم اطلع بره.. انت وشكلك.
بوعبدالرزاق: أبيّه هذا من صجه، يا معود خل أسلم على عمري لا عفواً أنا قصدي منتشل وإلا أنا وين المرشحين وين.
أحد الحضور: حسبت انك واحد من ها الجمبازية اللي يدورون على الدواوين ما يدرون وين الله قاطهم.
بوعبدالرزاق: ما يدرون عن بورزيقه.
إيه والله وانت الصاج ابتلشنا بالمرشحين أكثرهم حفاي ومن يوصلون المجلس تشوف حالتهم غير.
أحد الحضور: والمطلوب تراك أزعجتنا.
بوعبدالرزاق: لا، سلامتك بس الظاهر إني مضيع العنوان، يا الله مع السلامة.
تعليقات