'الكويت بخير وعيالك بخير يابونا صباح'

كتب الشاعر سالم مبارك الفجحان قصيدة وطنية في حب الوطن وتلاحم الشعب تحت ظل قائد الإنسانية ، النص كما يلي :

(الكويت بخير) (وعيالك بخيـر)
           دامك انت بخير يابونا (صباح)

(ايدنا وحده) وحددنا المصير
             من (يبيع كويتنا) دمـه (يبــاح)

الله (الله) و (الوطـن) ثم (الأمير)
              (ديننا الاسلام) ما فيها مزاح

ما يهددنا صغير ولا كبير
         من (يعادينا) له (اسيوف) و(رماح)

يابو ناصر كلنا مثلك نغير
             ما يمس (كويتنا) لمست (جراح)

انت فخر وذخر وذراعك شطير
                 ما تجيب ألا الغنيمه يالفلاح

نفتخربك يالسياسي يالخبير
               تجمع العالم على حب وصلاح

نعمة (ن) يبغالها شكرآ كثير
             نحمد الله في مساء وفي صباح

مشبع الجوعان واغنيت الفقير
              معفي المسجون يا رمز السماح

من مثل شرواك يالماي الغدير
                تروي الضميان يالعذب القراح

لمست ايدك تبري الجرح الخطير
               ومن يوم تضحك همنا ولا وراح

سيرتك عنبر على مسك وعبير
                   وكلمتك دايم لنا فيها نصاح

تضمنا بشتك على دربك نسير
                  في فعول الخير والدنيا كفاح

عامنا هذا عسى دايم يصير
                 (بالمحبه) و(التكاتف) و(النجاح)

لو كتبت الشعر من دمع الأسير
                    انت كل المدح يا سيد المداح

الكويت بخير وعيالك بخير
               دامك انت (بخير) يا بونا (صباح)