كعب داير بين المدارس ادور كتاب

دخل علينا الشاب الديوانية وهو ينافخ صبوله الشاهى وعرضوا القهوه عليه .. عيا عنهم وطلب طاسة الماء على عجل .. قال العود خير يابوك عسى ماشر وراك تنافخ ماهى من عوايدك ترد استكانة الشاهى .. ماشر بس راديترى مفور من كثر مالفيت على مدارس الجهراء وانا ادور باقى الكتب اللى ناقصين البنيه ماخليت مدرسه واللا انا متنحنح ببابها وانا اقول درب يامره ماعندكم طلبى وللاسف الكل يقولى اذا لقيت علمنا علشان نقول لااولياء الامور ويجيبون كتب لعيالهم .. قال احد الموجودين وليه المدرسه  ماتوفر الكتب اللى ناقصه هذى مسئوليتهم ومسئولية الست الهانم المديره .. وانا اشعرفنى كل وحده منهم لاهيه بنظافة ادارتها وديكوراتها وغربلة أولياء الامور بلستت اوامرها وطلباتها .. هالكلام ايام قبل ماهو صالح لهالايام المديره مخليه القرعا ترعى بالمدرسه على شرط مايدش احد من الطالبات حرمها .. ومدامنا فتحنا هالموضوع ساقدم لكم طائفة عطره من التسيب الموجود بالمدرسه ومنطقتها ووزارتها .. يقولكم يامحفوظين السلامه وحده من هالابلات تقول للعيال اللى امه تدرسه ويريحنى له درجتين واللى يبى يغثنى انقص درجته .. قال العود هالحين فهمت تصريح مدير منطقتنا التعليمية يوم صرح وقال ان المنطقة تعانى من سوء توزيع بالسكان فكرت بكلامه وقلت بعقل بالى يمكن الاسكان ضموها لسلطته وانهم يبون يحطونه مختار على المخاتير اثاريه يجهز دواء الفشل قبل الفلعه .. واش فلعته اقولك الوضع التعليمى مدهور وانت تقول دواء واسكان ومختار .. ياناس ياغشمشم الجهال اهل اولى ابتدائى ضافولهم مواد جديده اقرب ماهى لتعجيز ماادرى عيالنا كمبيوترات او هم سابقين سنهم بالفهم .. بربكم عمركم سمعتوا ان حصة الالعاب لها كتاب .. ابشركم جاء هذا اليوم من عبقرية اهل التربية ومخططين امور التعليم عندنا .. ولا مو هذا وبس الانجليزى ضافوله انجليزى ثانى وقالوا هذا انجليزى كويتى وبعد السؤال والاستفسار عن هذا الوافد الجديد اجمع اغلب المدرسين بشقيهم الرجالى والنسائى ان اللى فيه  ماوردعلى احد منهم من قبل يعنى المنتج كويتى مية بالمية  وان الوزارة واعدتهم  انها بتدخلهم دورات عليها علشان يفهمونها ومن ثم يفهمون عيالنا .. قال العود ياسلام  عز الله كدينا خير بعد ما المدارس فتحت ابوابها من شهر يبون يعلمونهم صدق من سماها وزارة تربية وتعليم .. وياليتهم بعد هالدورات وتصعيب المواد وكثرتها يفهمونهم و يكفونا شر هالمدرسين الخصوصين اللى قمنا نقصر على عيالنا ونعطيهم فلوس علشان عيالنا يمشون مع خلق الله وينجحون .. مااقول غير الشكوى لله والله يحسن تاليها لاانى شايف مستقبل مظلم لعيالنا من وراء هالمسئولين اللى كل همهم قضب كراسيهم وتلميعها للمحافظه عليها من الصدا حتى لو كانت على حساب اجيال الغد .. قال احد الموجودين ومن قالك انهم راح يتركونها هذولا مثل لزقة العنزروت مامنها فكك واللى شتفسرون قعدت اغلب اهل المناصب بمناصبهم  مثل عمر النبى شعيب بكل الوزارات ماهى التربية لحالها وعمار ياكويت وصوره على الابراج اللى مافيه غيرها .. ضحك الجميع على مداخلت الرجل اللطيفه واللى هى كانت مصك ختام جلستنا اليوميه .. الله اكبر بصوت الشيخ زغلول ليتفرق الرواد على امل غد جديد واترك المايك لك يادكتور حمود.