عيبك يازايد عادتك ماتزايد

محليات وبرلمان

عبّر الشاعر رجا القحطاني عن تضامنه مع سجين الرأي ناشر تحرير الزميل زايد الزيد- من خلال عدة أبيات شعرية جاء فيها ما يلي:

وتقولها بالوجه وبصدق نيه

لوكنت صامت واجتنيت الفوايد

ليلة عزا والدك ماشفت أذيه

تشتد هماتك بوقت الشدايد

ولاخضعت الا لرب البريه

والحر لو يطيح جوف المصايد

يبقى على اسمه حر.على السجيه

وضحت مكنون الخلل منت هايد

وردو علىالتوضيح ضدك قضيه

مانقصت زنزانة الحبس زايد

شعبيته زادت لدى الأغلبيه

ابو طلال اصبح بعين المحايد

رجل المواقف في السنين الردية

جريدته من بين كل الجرايد

بوجود ابن طفله جريده قويه

تشربت روح النزاهه عوايد

وتقبل الراي وثبات الهويه

سارت على المبدا بجو المكايد

ماصرحت صبح.ونفتها عشيه

(الآن ) ماتحتاج مني قصايد

تستقطب القراء في فاعليه

يازايد اصبر لو غدا الصبر كايد

والصبر مفتاح الفرج معنويه

الله معاك ولا تجيك الضهايد

وحنا معاك وشعلة الحق حيه

لوكنت صامت واجتنيت الفوايد

ليلة عزا والدك ماشفت اذية

الآن