الجويهل والقبائل وقطر والإخوان

يا جماعة وين الجويهل هالايام مختفي، وكلش ما له حس ولا رس، شسالفه؟ اليوم يومه: وينه خل يصب الزيت على النار ويسب القبايل والبدو... وينه؟

لا، لالالالا ، يا غشيم: هاليومين الاسطوانه مو اسطوانة البدو والقبائل!

عيل شنو؟

 اسطوانة القبائل ما تمشي ويا اخواننا الخليجيين، واحنا نحتاج تأييدهم ومساندتهم هالأيام، والجويهل اسطوانته ما تمشي عندهم ولا تلقى قبول بالعكس تستفزهم، فخلونا نحول على الاخوان وعلى قطر.

 شلون؟

هاليومين اسطوانة الاخوان علبو ربيع عربي وسيطروا على مصر وتونس، ويايين حق الخليج، وقطر علشان الجزيرة 'المزعجه' ونقول يدعمون انقلاب حق الاخوان بالكويت والمنطقة كلها...

بس تعال: سمو الأمير –الله يحفظه- هذاك اليوم مستقبل قيادات الإخوان الرومي والياسين ومحمد الطبطبائي والمذكور، فشراح نقول؟ معقوله فيه مؤامرة انقلابية على النظام من الاخوان ورأس النظام- الله يحفظه- يستقبل قياداتهم؟ معقولة إحنا ندري عن شي وسمو الأمير ما يدري عنه؟ طبعا لا مو معقولة..فهذي شلون راح نشرحها للناس؟

 هاه؟ لحظه هذي راح نشوف لها تخريجه بعدين، بس انتوا الحين انسوا الجويهل، وخلوه على كتر لما نحتاجه نقول له يطلع بعدين... وركزوا على الإخوان وعلى قطر،،، وينك يا نبيل، نبيل،نبيل... تعال شوف شغلك...