قلبه على الكويت بالغل مفطور

أرسل لنا الشاعرعبدالله خميس الذيابي هذه القصيدة بمناسبة ذكرى الغزو العراقي:

اليوم هذا غير اليوم هذا غير عن كل الأيام.. تاريخ هذا اليوم بالقلب محفور

يوم(ن) غدرنا جارنا النذل صدام.. فثنين أغسطس قبل لايطلع النور

جانا وحنا في سبا نوم وأحلام.. كنا نضن النذل ينفع به الشور

وأثره على وضعه لعينن ولو صام.. قلبه على الكويت بالغل مفطور

 ياشعب أبو سالم ترى وضعنا ألغام.. لا نامن البركان في وجهنا يثور

يا جب علينا النظر دوم قدام.. ونطوف الفرصه على كل مغرور

وشلون ننسى من حكمنا بالإعدام.. اللي عبث فبلادنا سبعة شهور

وشلون ننسى دمعة درع ووسام.. دمعة شرف تنزل على خد مقهور

دمعة شجاعه من سطا راس ضرغام.. وقف لها العالم تحيه ومبهور

جابر أمير قلوبنا نسل الأكرام.. ياالله عساه بجنة الخلد مغمور

وسعد ولي العهد يسهر ولا نام.. ومن الشجاعة يشتعل تقل دافور

أبو فهد يرهب عدوه ليا قام.. يا الله عسى قبره من الوبل ممطور

واليوم حنا في ذرا شيخ مقدام.. شيخ(ن) شجاع وبالسياسات دكتور

صباح الأحمد للوطن درع وحزام.. صمام أمان الشعب والشعب له سور

وولي عهد كويتنا الحق سطام,, نواف الأحمد وبالوفاء دوم مشهور

تحترمه الحكام وترفع له أعلام.. شهم(ن) شجاع وزايد(ن) نورنا نور

وكلمة شكر بقولها عبر الإعلام.. للي وقف للحق وللحق له دور

وختامها صلوا على سيد الأنام.. إعداد ماهبت هوا وانبت دور