إذاعة ميلودي FM استضافة صفاء سلطان

استضافة أذاعة  ميلودي FM  سوريا النجمة صفاء سلطان وتم الحديث معها حول آخر أعمالها الفنية وتحدثت عن مسلسل مطلوب رجال وبانو صحيح هو من 90 حلقة إلا أنوحست انو مشابه للمسلسل المكون من 30 حلقة وبررت هالشي للجهود يلي بذلها طاقم العمل بشكل كامل ولوجود مخرجين مبدعين للعمل وانو كانت بنفس الوقت عم يتم تشغيل كاميرتين والاجواء كانت مميزة بين الكل بالاضافة لتفرغ كل الممثلين الموجودين بهالعمل لالو وعدم ارتباطهون بأعمال تانية ...وقالت صفاء انو هية كانت من الشخصيات لي اخدت منحى كوميدي بالمسلسل على عكس الباقي حيث عم تمثل دور (أيه )البنت لي بتحب من قلبها بس ما بتعرف تاخد قرار وبعدها روح الطفولة موجودة فيها وهية بتمثل عدد من الصبايا يلي بيطلعوا أوبيسافروا برا بلادهون ليشتغلوا  وذكرت صفاء انو هية عم تلاحظ اقبال كبير من المشاهدين على العمل بالجنسين الرجال والنساء لانو بيحاكي الواقع بصورة حقيقية وواضحة ...

أما عن مسلسل بعد السقوط فقالت انو الاشاعات لي تمت بعد ما انعرف انو هية لي كانت مشرفة عامة على العمل وبانها عم تستغل الوضع لجانبها فصرحت انو هية كانت صحيح بالاشراف بس داخل اجواء التصوير كانت صفاء سلطان الممثلة وكانت سعيدة بوجود نخبة من الممثلين القديرين بالعمل متل أمل عرفة وعبد المنعم عمايري وغيرهم ولي كانت الاجواء الحميمية والجميلة هية لي عم تربط بيناتهون  

أما عن قلبي دليلي فقالت انو الانتقادات لي تمت على العمل دايقتها لانو أغلب ومعضم الصحفيين المصريين يلي قاموا بالانتقادات كانوا مجردين مقلدين لبغضهون بدون ما يعرفوا شوعم يكتبوا وبنهاية العمل الكل رجع وكتب بطريقة حلوة وهية سعيدة جدا بتجسيدها لشخصية ليلي مراد لانها الاقرب الها حتى انها تعذبت كتير حتى قدرت تجيب نفس طبقة ليلي مراد وهاد الموضوع يلي تطلب منها تدريب كبيروهلق ما بيقدر حدا يحكي شي لانو صفاء سلطان اقترنت بليلي مراد كل الحياة ولاخر العمل وما حدا بيقدر ينكر هالشي

وقالت صفاء انو عرابها هو الفنان ياسر العظمة وبداياتها كانت بمرايا وهية مشاركة فيها لهالسنة

أما عن مسلسل كسر الخواطر فكان عندها شوية تخوف من العمل بس وجودها مع مجموعة من الفنانين لي قدمولها الدعم وبعدين النتيجة الكبيرة والمهمة لي أخدها العمل اشعرتها بالسعادة وقالت انو في فرق كتير كبير بين السئالة والهضامة والادوار الكوميدية هية لي بتكون مفصلية بالنسبة للمثل

وتحدثت عن اعمالها الجديدةمتل مرايا 2011 ومسلسل كسر الاقنعة

بنهاية اللقاء صرحت صفاءأنو رسالة العتب بدها توجهها لكل مين خان العشرة والمحبة ولكل مين عم يأذي وليش الاذى ليش ما بنحب وبنبادل بالاخلاص وشكرت اذاعة ميلودي وكل الموجودين فيها على الاستقبال المميز يلي فاجأها من لما دخلت وانها كانت مبسوطة وقالت بكل اختصار الله يحميكون.