مخاطبا أحمد الفهد

يا شيخ نرفض يضيع الوقت بأحلامك ** الله عطانا عقل ونشوف واقعنا

أنهض وخل البشوت وفسر أكمامك ** أعمل شبعنا كلامٍ في مسامعنا

تقول بكره وبكره وانتهى عامك ** الراس شيّب وعمرٍ فات ودّعنا

لا صرت ماشي عليك بخطوة أقدامك ** لا تمشي الدرب معكوس وترجّعنا

سجل على صفحة التاريخ بأقلامك ** أثبت لنا واقعٍ ملموس وأقنعنا

الفرصه اللي تبيها اليوم قدامك ** المال عندك ونفذ شي ينفعنا

خل السوالف لأهلها وأغنم أيامك ** وأترك مديحٍ على الفاضي يضيعنا 

في راس سلطه وباشر يالفهد زامك ** أتعب على شي بين الناس يرفعنا

الأرض هذي أمانه وألبس حزامك ** من قبل جيلٍ يعقّبنا ويلعنّا

إنجازك اللي تبثه من ورى إعلامك **  ما ظن يغني الفقير ولا يشبّعنا

هذي حقوقٍ لنا ماهي من أنعامك ** وشحاذة حقوقنا ماهي طبايعنا

أترك على رملها من بصمة إبهامك ** إنجاز يحسب لكم ويصير دافعنا

وإلا تنحى وتمم باقي صيامك ** لا صرت راعي سوالف ما تسنّعنا

حمد المخيال