يا أمير مكرمتك عقب وبل الأمطار

الإخوة بجريدة الالكترونية:

السلام عليكم .. لدي قصيده بمناسبة المكرمة الأميرية أرجو نشرها .

 

ياأمير مكرمتك عقب وبل الأمطار
خيرٍ على خيرٍ عسى الله يديمه

 

فضلاً من الله ثم من فعلك السار
اللي جعلنا في حياة(ن) كريمه

 

ياأمير جعل امك بجنات وأنهار
وابيك جعل الله يضمن نعيمه

 

ياأمير ندعي لك من أكبار وصغار
جعل العوافي في سموك مقيمه

 

أكرمتنا وأعطيتنا ألف دينار
والزاد وزعته سنه دون قيمه

 

هذا فعل نادر على كل الأقطار
محدن يمد المكرمات العظيمه

 

ألا كريم(ن) وفّقه ربه وسار
على الفعول الطيبه والحكيمه

 

يا أمير لو يجحد عطاياك ثرثار
لا شك ماله طاعتن مستقيمه

 

ماله سوى يقدح من لسانه النار
في حق حكامه بليا حشيمه

 

هذا ومثله لو يطيعون الأشوار
ماخالفوا كل النصوص السليمه

 

اللي توصينا على حاكم الدار
أدعو له بخير العمل والعزيمه

 

هذا كلام المصطفى خير الأبرار
ماهو كلام أمدورين الوليمه

 

حنا على نهجه ومنهاج الأخيار
أصحابه اللي كل دين(ن) تقيمه

 

ياأمير لو ينشر قصيدي بالأخبار
قلت أسمعو ياهل العقول السقيمه

 

صباح الاحمد صاحب الألف دينار
تبقى مع أسمه جعل ربي يديمه

 

على الهدى جعله من اطوال الاعمار
اللي جعلنا في حياة(ن) كريمه

اخوكم الشاعر / عبدالله بن منصر العجمي