ممكن أحد يشوف معاناتنا

وردت إلى هذه الشكوى المقدمة من احدى مشرفات التغذية إلى وزارة التربية، ننشرها أدناه كما وردت الينا:

السلام عليكم جريدتي المحترمه اتقدم بفائق احترامي انا مشرفة تغذيه في منطقه سعد العبدالله ... المدرسه عذا ما اقدر اقول لكن هي بنات ابتدائي يا سيدي الفاضل مشكلتنا في خمس نقاط 1- نحن عددنا قليل 2- المصيبه نصعد السلات وهي عباره عن 12 سله الى الدور اول مع 12 كرتون عصير او عليك الحساب اذا حليب مفرق مو بكرتون و30 ربطة ماء وحسب ما كان الاتفاق ان يتناولون الوجبه في صالة الالعاب وهذا كان اسهل لنا لكن الشركه تقول الناظره رافضه والناظره تقول الشركة ما جابت طاولات 3- اما الوجبات يا اخي الكريم تخيل عندنا عشر دقايق وبتكلم عن نفسي اوزع خلالها على ست فصول كل فصل فيه 24 طالبه اوزع علبة اكل وبطل ماي وعصير وكريم كراميل او روب هذا بالله منو يقدر يسويها في هذا الوقت والله لو عشره ما يكفي والمصيبه يطق جرس الفرصه ونا ما وزعت غير على فصلين فقط ؟؟؟ احنا مشرفات تغذيه مو انسان الي اصعد الصناديق واركض ركض علشان اوزع بسرعه علشان حرام البنات واقفين عند باب الصف ناطرين متى يجي دورهم في الاكل 4- وطلبنا فراشات المدرسه تجمع مخلفات الطالبات قالوا ما لهم شغل انتم شيلوا (( يا سلام ليش اول بالفرصه منو كان يجمع بقايا الاكل )) يا اخي والله ظلم يعني هي صج 3 ساعات عمل بس والله نرجع بيتنا طول اليوم تعب وارهاق والم 5- هذي عاد لها سالفه الحين جايبين عربات تبون نصعدها على عتبات الدرج شلون لا يوجد اي شيء نحط عليه العربات المحمله بالوجبات ؟؟ تخيل 3 درجات تجيل فيها عربه تشيل 6 سلات متروسه اكل بتقول عادي نزلي الاكل وثم شيلي والله تعبانا ملينا نبي حل ممكن توصلون شكوتنا لمن يرحم بنات لكويت صج طلبنا توظيف واعطائنا فرصه نثبت وجودنا بس مو لهدرجه انا اشتغل والفراشه تطالع فيني تظهم ومسؤوله الفراشات تهاوش لحد يشيل شيء خلهم ما لكم شغل والله سيلانيه اه ياكويت لهدرجه هنات عليج بناااااااااااااااتج وما قول غير شنوا حادك يا مسمار قال المطرقه؟؟