كله من التأزيم!

بالله عليكم هذي حكومة؟ هذي طريقة إدارة بلد؟ مناصب شاغرة بالعشرات، من مدير جامعة الدولة الوحيدة اللي انتهت مدته منذ أشهر إلى عشرات الوكلاء المساعدين اللي مناصبهم شاغرة بحكم انتهاء مدتهم ولا زالوا يوقعون القرارات من دون التجديد لهم! حتى الفتوى والتشريع- يعني محامي الحكومة- من شهرين وافق مجلس الوزراء على تعديل هيكله وشغر مناصب نائب الرئيس فيه، وبعدين ردوا القرار ولوح وقتها الروضان بالاستقالة ولا صار شي...

طيب، هذا منو اللي وراه؟ هالجمود وهالتردد في اتخاذ القرارات شنو سببها؟ تبون تقولون المجلس؟ المجلس شكو صار له أربعة أشهر معطّل...

أوووووووووف،أووووف، وبعدين؟ وبعديــــــــــــــــــــــــن؟