ديرتي يالحزينة

المعذرة يا ديرتي يا الحزينه..

                    صرتي بتال الوقت  لي مصدر أحزان

 

المرتشي الغشاش فعله ايزينه..

                    وفيك الحرامية رموز ولهم شان 

 والمدعي بالدكترة , ترفعينه.. 

                     يحمل شهادة علم , زور وبهتان

 يتسيد المنصب ويا قو عينه..

                     والدال قبل اسمه ( بلا علم ) عنوان

 واللي سكت طأطأ برأسه تبينه..

                         لو كان رعديد وفاسد وجبان

 والفاسد البواق يعطى الخزينه..

                       وان زاد بوقه صار له ربع وأعوان

 

والنذل يجلس بينهم مكرمينه..

                      صار الجو...هل في نظرهم كحيلان

 

وسماحته ينعق وينبش ضغينه..

                     حنا شكو ما بين بصره مع إيران

 

واللي صرخ من الألم تشمتينه..

 

                             وقلتي عنه هذا مؤزم وفتان

 

واللي يبي درب السنع تدقرينه..

 

                              ويضيع حقه في ربوعك وينهان

 

وين العقول الراجحه و الرزينه..

 

                            العدل أساس الملك في كل الأزمان

 

وصرتي علينا يا بلادي ضنينه..

 

                         أبو حقب يفرس والحر جوعان

 

أقول هذا يوم شفت الغبينه..

 

                            أشوف أنا حقي على كف شيطان

 

ذنبي لأني ما أسوي المهينه..

 

                         ولا هو من طبعي ظلوم لأنسان

 

 والعمر كله خدمتي فيك زينه..

 

                           ولا سوي الفحشاء ولاني بخوان

 

 و تاريخنا في ترتبك خالطينه..

 

                          ومعجون مع طينك وهذا الذي كان

 

ننبت مع الثندى, وسدرك, شزينه..

 

                         ورمثك مع العرفج, ونويرك, ألوان

 

وجدي, وبوي, بتربتك دافنينه..

 

                          وأمي, مع الخاله, عساهم بالأجنان

 

واليوم أنا أشوفك كئيبه وشينه..

                         

                          وحتى (الكبير مبارك العود زعلان )

 

من الأفق ينظر في عبوس, وسكينه..

 

                         ويقول ما هكذا يا عيالنا تبنى الأوطان

 

وعبدالله السالم, بعقل وفطينه..

 

                          ينخا على الدستورعضوا بالأسنان 

 

 

ربان ماهر قاد فينا السفينه..

 

                           وأسس لنا الدستور لبلادنا أركان 

 

 

المعذرة يا ديرتي يا الحزينه..

 

                          صرتي بتال الوقت لي مصدر أحزان

 

 

 

(محمد بن جبران الهاملي)