منصور العجمي: على بالي قمر ثاني

‏تسامرني نجوم الليل لا صار القمر مستور
‏ويوم انه كشف ستره على بالي قمر ثاني
لقطة وصفية بديعة جدا وُفق بتصويرها الشاعر الشاب المتمكن منصور العجمي الذي كتب قصيدة متوهجة ،لاتقيّم بعدد أبياتها بقدر ماتقيّم بجمالية عباراتها  
وكثافة التصوير الايحائي فيها:

خطاوي الليل تتْباعد ي وجهٍ مكتسي بالنور
‏وغابت عنّيَ ايام السعدْ يا سِيْد خلّاني

‏تسولف لي طيوفك بالغياب الممْتلي بحْضور
‏وتجْلي عنّيَ الوحْشه ولكنْ ما اجْلت احزاني

‏تخايلتك قمر سامي ، تملّك قلبي المأسور
‏ومشيت اطرد ورا نورك الين الشوق مااعماني

‏تسامرني نجوم الليل لا صار القمر مستور
‏ويوم انه كشف ستره على بالي قمر ثاني

‏ويخْطي وصفيَ اللي كاتبهْ باحساسي المغمور
‏ويخْطي ما طرى بالبال واللي جا على لْساني

‏طلع حلّه مقدّمْها لليلٍ مظلمٍ ديجور
‏لجلْ تتْزيّن الظلما بْضيا قمراه لا باني

‏