فيحان الصابري: نبع الإحساس

اسكت وأناظر من الإسلوب ولّا الجمال
طهارةٍ في ضمير اللي يحسونها

حين تجتمع عذوبة الأسلوب وائتلاق الجمال ،يلقي الصمت "السكوت" رحاله ، لتبدأ رحلة التأمل تأثراً وانجذابا.

هنا الشاعر المبدع فيحان الصابري ، المتألق في صحافة الشعر الشعبي ، ومساحات التواصل يرسم بريشة العاطفة لوحة شعرية مشرقة ، من ألف "الاختلاف "إلى ياء" العشق":

كم ليلةٍ تختلف عن ما مضى من ليال
ما هو بلون السما لكن  بمضمونها

وشلون دَب الغلا و إشلون دب احتلال
مشاعرٍ من  نصيب  اللي  يثيرونها

القصة اللي ما هي في فيلم ولّا مقال
ما تنسمع من رواة و لا يشوفونها

فيها من الحس و الإيثار روح وتعال
ما تشمل الكل لكن من يخصونها

ترى شعور المواقف ينفتح له مجال
ينبع من إحساسها ينبع من عيونها

سبحان من حط فيها فوق هذا خصال
كم  ميزةٍ  عابره  عيوا  يعدونها

اسكت وأناظر من الإسلوب ولّا الجمال
طهارةٍ  في ضمير  اللي  يحسونها

لولا التوازن يصير بكل روح اختلال
و العاقل اللي عشقها صار مجنونها