صالح الحربي: بوح الغرام

يتواصل معنا الشاعر القدير صالح مصلح الحربي بهذه القصيدة الجميلة التي تتفيأ بها نوارس الكلمات أغصان الشجون في بوحٍ عاطفيٍّ أنيق:

يتلعثم الشهد بشفاهك يتوه العذر
يا مرتب الأبجدية في حروف الكلام

خل العذر لاتردد خل عنك العذر
ياخي من الله أحبك لو يطول الخصام

والروح مني عليها من عيونك نذر
لذا تجيها الخطايا مثل نفح الغمام
 
والقلب هذا تلوّىٰ بك وباسمك هذر
ماادري وش اللي بقوله لو يبوح الغرام

كثر ماقلبي سموح ولاقطع لك جذر
يشيلها  زلتك  ولا يجيك  بملام

أخاف من ريح لاتبقي ولاهي  تذر
ريح الجفا اللي تسمّى حفل مسك الختام

ويطيح غصنك كذا واللي بغصنك بذر
ويتوه حبر الورق والسالفة والسلام