د. ناجي الزيد: وين الحكومة؟ ووين رئيس الوزراء؟ وحتى الوكلاء لم نسمع منهم أي اعتراض إلا بعد تدويرهم.. ليش ساكتين طول هالمدة؟
زاوية الكتابكتب ناجي سعود الزيد أكتوبر 29, 2020, 9:31 م 402 مشاهدات 0
ما يمدينا قرينا خبر الاستقالة الجماعية لستة وكلاء في وزارة المالية، إلا الوزير قابلها بسرعة خايف يسحبونها الظاهر!
تكفون فهمونا شالسالفة؟
الوكلاء يقولون إن سبب التدوير رفض بعض الوكلاء تنفيذ تعليمات الوزير بأعمال وتصرفات "مخالفة للقانون واللوائح"، وهذي الصراحة تهمة مو سهلة للوزير! وأيضاً أن الوزير يمارس "تغليب مصالح خاصة" و"عدم الاكتراث بملاحظات الجهات الرقابية"!
طبعاً هذا كلام موسهل، ولم ترد في استقالة الوكلاء أي تفاصيل تخلينا نفهم شالسالفة!
وين الحكومة؟ ووين رئيس الوزراء؟ وحتى الوكلاء لم نسمع منهم أي اعتراض إلا بعد تدويرهم، يعني ليش ساكتين طول هالمدة؟
ما أدري وين الصح ووين الغلط؟
كل اللي أعرفه أن الأطراف المعنية كانت "صايمة السكت" إلى أن تم التدوير، وحتى التدوير ليش سواه الوزير والحكومة أصلاً راح تقضب الباب خلال شهر تقريباً؟
أفتكر المسألة أكبر من ذلك، وأن حيلتي هالمرة صج ضايعة، فيا سمو رئيس الوزراء ودّي أسمع صوتك توضح للمواطنين شالسالفة، لأنهم خايفين، لأن رواتبهم تصرفها وزارة المالية، ولّا آنا مختلط علي الأمر؟!
تعليقات