شفتوا شلون؟

استجواب البراك هو استجواب نائب يمارس دوره الرقابي حسب الدستور، ورد وزير الداخلية بكل ثقة على النائب...وين المشكلة؟ ليش سويتوا من الحبة قبة؟ ليش الربربة والجدل والدندرة اللي ما لها داعي؟ خل كل شهر يصير استجواب؟ شني المشكلة؟ ليش رحتوا تقولون قبلي وطائفي وخرطي وخرابيط ما لها داعي؟ ليش تفتحون الباب على أنفسكم وتجردون أنفسكم كنواب من أهم أداة مساءلة قانونية؟ باجر إذا فكر أحد فيكم بالاستجواب، منو راح يوقف وياه؟ شنو يعني تبون النائب ما يستجوب وزير؟

الحين 'صفا صافيها' وبعد كم يوم التصويت على طرح الثقة، والكل يروح بيتهم، وحاولوا تهدّون الأمور وتفكرون بالكويت، يا جماعة فكروا بالكويت قبل فوات الأوان...