مو جذيه يا حماية الشخصيات

7 ونص مساء الأحد، عند إشارة نهاية الدائري الأول باتجاه قصر دسمان...

موكب، شخصية، الإشارة حمراء،...

سيارات الحماية 'تطوّط، وتصارخ وتلالي وتصايح'..

 وخّرت كل السيارات.. خذت يمين ويسار... والإشارة حمراء...

خذوا يمين، ما يقدرون يطلعون جدّام...خذوا يسار، دحّوا الرصيف...

سيارة الحماية تدعم واحد فيهم محكور بين السيارات اللي وراه واللي جدّامه، وتروح ولا بالبال...

وين قاعدين بالله؟ منو هالشخصية اللي تدعمون الناس علشانه؟

إذا كان صاحب السمو وولي عهده (الله يحفظهم) ما يرضون يسبّبون إزعاج بمواكبهم حق الآخرين، ليش سويتوا جذيه؟ ومنو المسئول؟