شتبي تقول يا علي الراشد؟

يعني هذا وأنت قانوني وقاضي سابق؟ شتبي تقول؟ معروفه ما تبي لها ذكاء: تبي تقول فيه أعضاء بمجلس الأمة عندهم جنسية غير الجنسية الكويتية ويجب على وزير الداخلية أن يطبق القانون بسحب جنسياتهم. طيب قولها مباشرة وطلع أسماء زملائك مزدوجي الجنسية وطالب بتطبيق القانون عليهم مثل غيرهم أو استجوب وزير الداخلية!! لكن أن تسأل التالي:

'هل لأحد من أعضاء مجلس الأمة جنسية أخرى غير الكويتية؟ يرجى تزويدي بأسمائهم، وهل سيتم التعامل معهم أسوة بالمواطنين الذين سيتم سحب جناسيهم؟».

هذي يسمونها بالانجليزي CHEAP SHOT، يعني ابتزاز لنواب بعينهم: سكتوا وإلا راح أقول عندكم جنسية ثانية. واضح إنه عندك معلومات يفترض تقدمها وتفعّل أدواتك الدستورية بالمساءلة وترضي ضميرك وقسمك!!