كرت زيارة صحية!!

المستشفيات الحكومية مليانه من الوافدين من جنسيات مختلفة، والواحد- والله- مو ضد إنه الإنسان يتعالج، بس البلد انترست بشر ما تدري من وين وشلون دخلوا؟؟ الدولة كلها ما مسكت إلا تاجر واحد يزور الإقامات؟؟ معقوله بالله هالكلام!! فاق عدد السكان الثلاث ملايين! يا جماعه وين رايحين؟

 يا جماعة، سووا على الأقل كروت زيارة صحية، على الأقل علشان تعرفون عدد اللي ممكن يدش البلد للعلاج، لأنه مو معقوله الكويت صارت مصح لآلاف الوافدين، وما يصير الكويتيين مو لاقين لا سرير ولا غرف والضغط على الخدمات فاق كل المتوقع...

فشل الحكومة ذريع في إدارة الدولة، والديره تنهار جدام عيالها..

حسافه عليج يا كويت!!