الضرس ليمن رقل...!!

علشان تراجع طبيب الأسنان بالمستوصف لازم تجي أول واحد، يعني قبل السبع صباحا، وبعدين لو وصلت سبع ونص ما ياخذون بطاقتك المدنية، وطبعا الإخوان الغير كويتيين ياخذون بطاقاتهم؟ شلون؟ ما تدري؟ يقولون عن طريق البنغالي الفراش..
ولو راجعت الساعة ثلاث العصر لعيادة الساعة أربع، يمكن ما يقبلون بطاقتك المدنية لأنه تجمع عندهم من البطاقات ما يكفي لذلك اليوم!!

إنزين يا جماعة: ممكن أسجل حق موعد بكره اللي عقبه الاسبوع الياي السنه اليايه؟؟؟

لا مو ممكن. إنزين ليييييييييييييش مو ممكن؟

ما يصير.

إنزين، لييييييييييييييييش ما يصير...

جذيه تبي ولا روح حق عيادة خاصة.

بس ياجماعة آنا جاي من عيادة خاصة وخربوا ضروسي وأبي علاج حكومي، هذولاك يا خذون فلوسك ولا عليهم رقيب ولا حسيب...

شنهو المانع من أن المستوصف يسوي مواعيد حق المراجعين؟ الكمبيوتر موجود، والملفات موجودة...

تفكير غير متخلف بسيط يحل مشاكل عوار الضرس في برد المربعانية، ويحل مشكلة المراجعة في المستوصفات الحكومية...

'الضرس ليمن رقل، من شلعته لابد'..