'رمل الطريق'

ضفّ الرضي صدره يبي هيفاً هواها يُورقه
يلبس مساها مخملي الثوب لافاحت أماني
من قدرها ضاقت بصدرٍ سولف العشق عرقه
وتجاورت والقلب بارضٍ سمّيت قبلي محاني
هي زعّفرت رمل الطريق وجيت أضمّه واطرقه
وماصدقت رجلي تصير الريح والغيمه عواني
هـي زفّـت الـدنـيـا عـلى قـلـبٍ توهّـق بـورقه
هي سوت اللي مايسوى بأبيضٍ طيب شقاني
ليلة تصّبـك يالعـسل بشـفـاي ولـيله تسرقه
وليله وانا بين العطا والسّرق وإياهم شجاني
غـارق هـدبها بالكـسل إلـين قـمّـة مفْـرقه
ناعم جسدها وعودها ماهو من أعواد الغواني
قـالـت بلـيـلٍ هدّه الـدلْ والسـما مـتـزبرقه
هو أنت أناني؟ قلت سلمى فيك إي والله أناني
أيـامها كانت تجي قـنديل يفـضح مشرقه
وماكان ليلي ينتصف حتى تناصفني مكاني

ثامر المطيري