' لا تتعبينه '.. بقلم سلطان المطيري

ما هو بنفس الصوت ما تذكرينه
هزت رياح اقدار الايام راعيه
طيرٍ تبارى غربته مع حنينه
في مرتع احلامه على صوت ناسيه
يامهرته يا ضحكته يا سنينه
كان الغلا حظه وضاق الفضا فيه
ما كحّلت افراح الايام عينه
ملّت تسولف له وتاهت ف امانيه
اجراس باب الحلم تبقى تدينه
من ينصفه من خطوةٍ ما تعنيه ؟
واللهفة اللي فالحنايا رهينة
سرٍ تعرّى في دموعٍ تغطيه
الحرف ليلي بس لا تسهرينه
ما عاد باقي حيل فعيون ساريه
ما هو بنفس الصوت لا تتعبينه
هزت رياح اقدار الايام راعيه

سلطان عبدالعزيز المطيري