لجنة البدون

لجنة البدون 'العنصرية' لا هي راحمه البدون ولا تخلي رحمة الله تنزل عليهم:

طلعت قرار اللي عنده بطاقة اللجنة يقدر يتوظف بالقطاع الخاص عن طريق غرفة التجارة؟؟؟؟

يا عيني، غرفة التجارة عنصرية ونخبوية واحتكارية وما توظف الكويتيين، فما بالك بالبدون؟؟

ما سألوا أنفسهم: جم كويتي -مو جم بدون- وظفه القطاع الخاص عن طريق غرفة التجارة؟

وبعدين راحوا حق الأوقاف قالولهم البدون اللي فازوا بمساقة حفظ القرآن لا تصرفون لهم شيكات المبالغ النقدية التشجيعية!! ليش يبه؟ قال لأن اللجنة العنصرية لازم تعطيهم بطاقات ويفتحون حسابات!!

وبعدين آخر تضييق لجنة البدون العنصرية تعليمات 'شفوية'- لاحظ شفوية كما ورد بالقبس اليوم- حق الجمعيات الخيرية: لا تساعدون البدون اذا ما عندهم بطاقات من اللجنة!!

صج، لا هم راحمينهم ولا مخلين رحمة الله تنزل عليهم!!!