غش 'تويتري' في اختبارات طلبة مصر

قام عدد من طلاب الثانوية العامة في مصر الذين يخوضون امتحانات آخر العام والتي بدأت السبت الماضي بتغيير 'الهاش تاغ' الذي استخدموه في اليوم الأول للامتحانات لتبادل الإجابات على 'تويتر' بعد أن تم اكتشافه من ثانوية عامة إلى 'عبيلوا وإديلو' و'برده هنغش' و'لجنة تويت'.
 
ووفقا لما نشرته صحيفة 'الاهرام' المصرية، كان اليوم الأول لامتحانات الثانوية العامة قد شهد تداولًا للإجابات الخاصة بمادة اللغة العربية قبل انتهاء وقت الامتحان الفعلي بأكثر من ساعة على موقع 'تويتر'، وقد انفردت 'بوابة الأهرام' بنشر الإجابات التي تم تداولها 'بهاش تاغ' 'ثانوية عامة' وعلى الرغم من ذلك أنكرت الوزارة حدوث تسريبات ليتكرر الأمر اليوم في امتحان اللغة الإنجليزية ولكن بعد تغيير الهاش تاغ إلى (عبيلوا وإديلو وبردة هنغش و لجنة تويت).
 
وتوالى نشر الإجابات الخاصة ببعض أسئلة اللغة الإنجليزية بعد ساعة ونصف الساعة من بدئه وتداولها عدد كبير من رواد تويتر وتوالت التعليقات من الطلاب ومن متابعين لـ'الهاش تاغ' بعضهم دخل للتعليق مؤيدًا أو رافضًا لعملية الغش.
 
جاءت بعض التعليقات ساخرة من الفكرة ووصفت الطلاب بأنهم مبدعين فقال: (حتى لو مختلف معاهم فى موضوع الغش بس أوعى تمنع نفسك من الإعجاب بعبقريتهم)، وعلق آخرون (يارب كلكو تسقطوا ياللى بتغشوا من البلاك بيرى، غيركوا يستحق - بعد كده تلاقي وزارة التعليم هتعمل لجان إلكترونية وتبوظ الهاشتاجات - العديد من الهاشتاجات تشتت الطلبة - ليست هكذا تدار 'الهاش تاجات' - لما تخش الكلية وتلاقي نفسك مش نافع فيها هتعمل إيه)؟
 
بينما علق أحد الطلاب قائلا: (طب والنعمة أنا خايف يوم امتحان الفيزياء تعملوا 'هاش تاج' ‎‫#الوسادة_الخالية‬‏ وتغشوا عليه، انتوا فاجرين وقادرين ‎- أشك إن وزير التعليم يعرف يعنى إيه تويتر أصلًا -موضوع الغش على تويتر ده مؤسف بجد.. بس العجيب فيه إن العيال بتغش غلط و هيروحو فى داهية).
 
فيما تبنى أحد المعلقين فكرة أن الوزارة هي السبب في غش الطلاب لأن سياساتها ومناهجها لا تتماشى مع احتياجات الطلاب والمجتمع وعلق قائلًا: (صححوا قوانين الثانوية العامة، صححوا قوانين التظلمات، هاتوا مدرسين عندهم ضمير، هاتوا مناهج محترمة.. بعديها قولوا متغشوش- ما تصححوا القوانين وتخلوها عادلة.. ولما تعدلوا المناهج وتخلوها تنفع لطالب عنده 18 سنة وموازية لعقله.. ابقوا قولولهم متغشوش).
 
وناشد أحد المتابعين لـ'هاش تاج' (برده هنغش) من يعلق ناصحًا الطلاب بعدم الغش (ياريت الناس الجميلة، المتدينة، الفاضلة، اللى مش بتعمل حاجة غلط فى حياتها، يسيبوا طلاب الثانوية العامة يغشوا ومالهمش دعوة - الغش ده فعل ثورى واعتراض على المؤسسة التعليمية الفاسدة الفاشلة).
 
وعقب اكتشاف 'الهاش تاج' الجديد ومحاولة البعض إفساده، علق متابع: (لو كل واحد فاكر نفسه سوبر مان وبيعمل سبام على الهاش تاجز عشان الناس متغشش ما اتشطرتش ليه ع البي سي بتاع البلاك بيري).