شحقه تدعون أحمد الفهد؟

أذيتونا وذبحتونا!! ثلاث سنين وأنتو تطنطنون، أحمد الفهد يا طلابة أحمد الفهد، أحمد الفهد أهو اللي ورا الفساد، أحمد الفهد أهو اللي خرب الانتخابات، أحمد الفهد أهو اللي موقف عجلة الإصلاح، أحمد الفهد أهو سبب مشاكل البلد، وبعدين تدعون أحمد الفهد حق ندوتكم للحديث عن مستقبل الكويت!!
الناس تقول هذا يعني شي واحد من ثلاث احتمالات:
1. كلامكم عن الريال طول هالسنين كان جذب بجذب وتبون تغطون على فشل صاحبكم في شعارات الإصلاح. أو...
2. كلامكم عن الريال صج، بس تغيرت الحسبة، واختلفت التحالفات، وخلصتوا من ذيلاك، وقاعدين ترتبون مع هذا قبل فوات الأوان.... أو....
3. كلامكم عن الريال صج، وأي واحد يقرب حق أحمد الفهد فاسد، ما عدا إنتو!! لأنه بس انتو الوطنيين والإصلاحيين وإنتو بس اللي فوق الشبهات...